Tuesday 16 April 2013

Ocehan Tengah Malam


Ciek duo tigo ampek, pai k hutan mambaok golok
Tungkai latiah badan panek, tapi mato ndah namuah lalok

Baa caro lai

Kalau lah uda ndak cinto ka adiak, hati ko taraso nio mamakiak
Bilo malaikat tibo manjapuik, lansuang nyawo wak dirangguik

Kalau iduik jan banyak barutang, pakai se nan adoh jan banyak mengeluh. Kalau waang miang miang, den tantang bisuak suo pak penghuluh

Ehehehe kawan kawan kalau ndak mangarati kato2 ambo, maaflah yo
Indak makasuik nio baduto tapi ambo apo adonyo
Doan se lah yo, beko adoh kamus nyo, supayo kawan baco ndak mangango

Danga kaba pak esbeye nio buek twitter, bia makin trkenal macm heri poter, asal tugas nagari indak kateter, beko awak nan jdi folower

Adoh juo kutu nan maloncat, mcam politisi nan kanai pecat, kecek nyo nio jadi wakil rakyat, tapi subana e inyo nio berkhianat

Pai mangaji ka surau gadang, singgah subanta di kampuang urang. Jadi urang jan pamberang, beko kok mati disumpah urang

Buya ganteng pai ka sawah, mambaok nasi jo samba bakuah, ndak usah iduik sok mewah, basyukur se lah

Kecek urang kopassus tu panjilek, huznuzon se lah. Mungkin nyo sadang pilek, maklum lah urang sadang sibuk nio jadi caleg, jadi ndak usah banyak maupek. Beko muncuang wak panek, ndak itu se doh, jempol pun panek mangetik dek tombol e ketek

:D :D

Kecek urang koto, kok ndak namuah lalok mato, baok se bacarito, bayangan masuak sarugo, tapi jan lupo lo ayah bundo, jan jadi anak durhako, macam si malin kundang nan badoso


No comments:

Post a Comment